लहान नगरपालिकाद्वारा मृतक परिवारलाई राहत वितरण

सिरहा – लहान नगरपालिका गरिब, विपन्न र दलित समुदायका परिवारलाई सहयोग गर्दै आएको छ। पछिल्लो घटनामा लहान–५ बलुवाटोलकी ४० वर्षीया डोमनीदेवी मोचीको निधनपछि नगरपालिकाले पीडित परिवारलाई राहत सामग्री उपलब्ध गराएको छ।

नगर प्रमुख महेश चौधरी र वडा नं ५ अध्यक्ष अब्दुल करिमले मृतक परिवारलाई एक क्विन्टल चामल, दाल, नुन, तेल र फाइबर सिरक हस्तान्तरण गरे। साथै, घर छाउन आवश्यक जस्तापातासमेत उपलब्ध गराइने जानकारी दिएका छन्।

नगर प्रमुख चौधरीले भने, “नगरपालिकाले गरिब र असहाय परिवारको दुःखमा साथ दिने प्रतिबद्धता लिएको छ। मृतकको परिवारका लागि आर्थिक सहयोग पनि प्रदान गरिन्छ।”

• 

• 

• 

डोमनीदेवीका पति गुदर मोचीले भने, “नगरपालिकाको सहयोगले हामीलाई ठूलो सहारा मिल्यो।”

त्यस्तै, लहान–१८ का ७० वर्षीय बचकुनी सदायको निधनपछि नगरपालिकाले त्यहाँका परिवारलाई पनि राहत सामग्री हस्तान्तरण गरेको छ।

नगरपालिकाले भविष्यमा पनि गरिब, विपन्न र असहाय परिवारलाई लक्षित गरी राहत कार्यक्रम जारी राख्ने जनाएको छ।