एमाले सचिवालय बैठक आज गुण्डुमा

भक्तपुर । नेकपा एमालेको केन्द्रीय सचिवालय बैठक आज बिहान ११ बजे भक्तपुरको गुण्डुमा बस्दैछ। बैठकमा समसामयिक राजनीतिक अवस्था, पार्टीका आन्तरिक विषयहरू र आगामी केन्द्रीय कमिटी बैठकका एजेन्डाहरू तय गरिनेछ।

यसअघि असोज १९–२० गतेका लागि तय गरिएको बैठक वर्षाका कारण स्थगित भएको थियो। अब केन्द्रीय कमिटी बैठक असोज २९ देखि ३१ गतेसम्म बस्नेछ।

• 

• 

पार्टी अध्यक्ष केपी शर्मा ओलीले प्रदेश, जिल्ला र प्रवासका अध्यक्षहरूसँग गरेको भर्चुअल बैठकको जानकारी पनि बैठकमा दिने तयारी गरिएको छ। च्यासलस्थित पार्टी कार्यालयमा भएको आगजनी र तोडफोडका कारण बैठक स्थल परिवर्तन गरिएको हो।