×

गठबन्धनलाई बहुमत पुर्‍याउन राजीनामा दिने तयारीमा कोशीका सभामुख गौतम

साउन १६, २०८० | दाक्सु मिडिया सम्वाददाता

कोशी प्रदेशका तत्कालिन मुखयमन्त्री उद्धव थापाको नियुक्ति असंवैधानिक ठहर गर्दै सर्वोच्चले नयाँ सरकार बनाउन परमादेश दिएपछि तातेको कोशीको राजनीतिक सरगर्मी बढ्दो छ ।
सर्वोच्चको परमादेश अनुसार प्रदेश प्रमुख परशुराम खापुङले नयाँ सरकारमा दाबी पेस गर्न दिएको समय आज साँझ सकिँदैछ । सत्तारुढ दलहरुले बहुमतका लागि राप्रपालाई फकाउन नसकेपछि सभामुख बाबुराम गौतमलाई राजीनामा गराउने भएका छन् ।
माओवादी केन्द्रबाट निर्वाचित सभामुख बाबुराम गौतमलाई राजीनामा गराएर आजै कांग्रेस संसदीय दलका नेता उद्धव थापालाई मुख्यमन्त्रीमा प्रस्ताव गर्ने गठबन्धन दलहरुको तयारी रहेको छ ।
केन्द्रीय नेतृत्वको दवाव सहर राजीनामा नदिने मनस्थितीमा रहेका गौतम अन्तत नेतृत्वको दवाव थेग्न नसकेपछि राजीनामा दिने तयारीमा लागेको उच्च स्रोतले जनाएको छ ।
कोशी प्रदेशमा नेपाली कांग्रेसका २९, माओवादीका सभामुखबाहेक १२, एकीकृत समाजवादीका ४ र जसपाका १ गरी ४६ सांसद मात्रै हुने भएपछि सभामुखलाई राजीनामा दिन लगाउन लागिएको हो।

फेसबुकबाट तपाईको प्रतिक्रिया

%d bloggers like this: