उपत्यकामा ट्राफिक नियम उल्लङ्घन गर्ने २२८ चालक कारबाहीमा

काठमाडौँ । काठमाडौं उपत्यकामा ट्राफिक नियम उल्लङ्घन गर्ने २२८ जना चालक पछिल्लो २४ घण्टामा कारबाहीमा परेका छन्।

ट्राफिक प्रहरीले गरेको नियमित जाँचका क्रममा मादक पदार्थ सेवन गरी सवारी चलाउने ८४ जना र सीसीटीभीबाट पहिचान भएका ३९ जना चालक कारबाहीमा परेका हुन्। त्यस्तै, रातो बत्ती उल्लङ्घन गर्ने ६ जनालाई पनि कारबाही गरिएको छ।

• 

हर्न निषेध उल्लङ्घन गर्ने एक, अवस्था ठीक नभएको सवारी चलाउने एक, एकतर्फी सडकमा नियम मिच्ने दुई तथा अन्य कसुरमा ७५ जना चालक कारबाहीमा परेको प्रहरीले जनाएको छ।