दाक्सु मिडिया
सोलुखुम्बुको भकान्जेमा चिया कृषकका लागि गुणस्तरीय पत्ति टिपाइ तथा ग्रेडिङ तालिम दिइएको छ । नेपाल सरकार अन्तर्गतको राष्ट्रिय चिया तथा कफी बोर्ड र थुलुङ दुधकोशी गाउँपालिकाको संयुक्त आयोजनामा भकान्जेमा चिया कृषकलाई लक्षित गर्दै १ दिने “गुणस्तरीय हरियो पत्ति टिपाइ तथा ग्रेडिङ सम्बन्धी फिल्ड स्तरिय प्रयोगात्मक तालिम“ प्रदान गरिएकोे हो ।
तालिममा भकान्जे क्षेत्रमा चिया उत्पादन गर्दै आएका कृषकहरूले सहभागिता जनाएका थिए । सहभागी कृषकहरूले हरियो पत्ति टिप्ने अनुभव भए पनि सावधानी अपनाउने तरिका, उत्पादनमा ध्यान दिने विधि तथा गुणस्तर वृद्धि गर्नुपर्ने सीप तालिममार्फत सिकेको कृषकहरुले बताएका छन् । उनीहरूले सिकेका ज्ञानलाई व्यवहारमा उतार्दै आगामी दिनमा अझ गुणस्तरीय चिया उत्पादन गर्ने तथा बजारमा उचित मूल्यमा बिक्री गरेर आम्दानी बढाउने प्रतिबद्धता व्यक्त समेत ब्यक्त गरेका छन् ।
भकान्जे टी स्टेटले समेत यस तालिमले कृषकहरूलाई थप ज्ञान सम्पन्न बनाएको भन्दै आगामी दिनमा भकान्जेमा उत्पादित चियाको गुणस्तर अझ बढ्ने विश्वास व्यक्त गरेको छ । अहिले नै चिया उत्पादनमा फड्को मारिसकेको भकान्जे टी स्टेटले गुणस्तरीय उत्पादनमार्फत निकट भविष्यमा अन्तर्राष्ट्रिय बजारमा समेत भकान्जेको चिया प्रतिस्पर्धी बनाउन सकिने सम्भावना रहेको धारणा राखेको छ । भकान्जे चिया उत्पादनमा निरन्तर मेहनत गर्दै आएका कृषकहरूलाई व्यवहारिक सीपसहित प्राविधिक ज्ञान दिने उद्देश्यले आयोजना गरिएको यो तालिमले कृषकहरूलाई नयाँ उत्साह जगाएको छ ।
थप समाचारहरु
अन्तर्राष्ट्रिय बजारमा नेपाली चियाको गुणस्तर सर्वोत्कृष्ट, १० चिया उत्पादकलाई अवार्ड (नामसहित)
पर्वतको फलामखानीमा अर्गानिक चिया उत्पादन शुरु
थुलुङ दुधकोशीमा विद्यार्थी लक्षित उद्घोषण तालिम सम्पन्न
इलामको चिया कारखानामा आगलागी
थुलुङ दुधकोशी:वडा नं-७ का बालकक्षा शिक्षक र प्रधानाध्यापकहरुका लागि कम्प्युटर तालिम सुरु
सोलुदुधकुण्ड नगरपालिकाले दियो मिलिजुली समूहका लागि बचत, ऋण व्यवस्थापन तथा नेतृत्व विकास तालिम
तपाईको प्रतिक्रिया दिनुहोस्