हिन्दुस्तान पेट्रोलियम कर्पोरेसनद्धारा तेल र ग्यासको अभावको खबर खारेज

काठमाडौँ । भारतको प्रमुख तेल कम्पनीहरूमध्येको एक हिन्दुस्तान पेट्रोलियम कर्पोरेसन लिमिटेड (एचपीसीएल) ले तेल र ग्यासको अभाव भएको भन्ने रिपोर्टहरूलाई खारेज गरेको छ।

यसका साथै कम्पनीले देशभर रहेको आफ्नो खुद्रा बिक्री केन्द्रहरूमा आपूर्तिमा कुनै समस्या नरहेको पनि बताएको छ।

कम्पनीले आफ्नो सञ्चालन (अपरेसन) सामान्य रहेको र काम विनाकुनै अवरोध चलिरहेको स्पष्ट पारेको छ।

इरान सङ्कटका कारण देशमा तेल र ग्यासको आपूर्तिमा कमी आएको र देशका धेरै क्षेत्रहरूमा मानिसहरूले ग्यास अभावको सामना गरिरहेको खबरहरू आएका थिए ।

• 

• 

• 

यद्यपि, एचपीसीएलले इन्धनको अभावसँग जोडिएका समाचारहरू भ्रामक रहेको बताएको छ। जसरी सङ्कटको कुरा गरिँदै छ, त्यस्तो केही पनि नभएको कम्पनीको दाबी छ।

‘एचपीसीएलका रिटेल आउटलेटहरूमा इन्धन आपूर्ति पूर्ण रूपमा सामान्य छ र नियमित रूपमा पुनः भर्ने तथा निर्बाध सञ्चालन सुनिश्चित गरिँदै छ,’ सन्देशमा उल्लेख छ ।

‘