दाक्सु मिडिया
काठमाण्डौँ । पूर्वी इन्डोनेसियाको मोलुक्का सागर क्षेत्रमा बिहीबार बिहान शक्तिशाली ७.४ म्याग्निच्युडको भूकम्प जाँदा कम्तीमा एक जनाको ज्यान गएको छ भने भवनहरूमा क्षति पुग्नुका साथै सर्वसाधारण त्रसित बनेर सडकमा निस्किएका छन् । प्रारम्भिक रूपमा सुनामीको चेतावनी जारी गरिए पनि केही समयपछि खतरा टरेको घोषणा गरिएको छ ।
सुलावेसी र मालुकु टापुबीच केन्द्रविन्दु रहेको भूकम्पका कारण समुद्रमा करिब ७५ सेन्टिमिटरसम्म अग्ला छालहरू उत्पन्न भएका थिए । हवाईस्थित प्यासिफिक सुनामी वार्निङ सेन्टरले इन्डोनेसिया, फिलिपिन्स र मलेसियासहित आसपासका क्षेत्रमा खतरनाक सुनामी आउन सक्ने चेतावनी दिएको थियो, तर भूकम्पको करिब दुई घण्टापछि उक्त चेतावनी फिर्ता लिइएको थियो ।
उत्तरी सुलावेसीको मनाडो सहरमा एक भवन भत्किँदा एक जनाको ज्यान गएको र अर्का एक घाइते भएको खोज तथा उद्धार टोलीले जनाएको छ । उद्धार अधिकारी जर्ज लियो मर्सी रान्डाङका अनुसार मृतक भग्नावशेषमुनि पुरिएका थिए र अन्य सम्भावित घाइतेबारे पनि विवरण सङ्कलन भइरहेको छ।
भूकम्पको गहिराइ करिब ३५ किलोमिटर रहेको अमेरिकाको भूगर्भ सर्वेक्षण संस्था ९युएसजीएस० ले जनाएको छ ।
थप समाचारहरु
फिलिपिन्समा ६.७ म्याग्निच्युडको भूकम्प, क्षतिको विवरण आउन बाँकी
रूसको कामचटकामा ७.४ म्याग्निच्युडको भूकम्प
उत्तरपूर्वी जापानमा शक्तिशाली भूकम्प जाँदा ३० जना घाइते, हजारौँलाई सुरक्षित स्थानमा जान आग्रह
जापानमा ७.१ म्याग्निच्युडको भूकम्प
रूसी ड्रोन आक्रमणले युक्रेनमा पुनः जनधनको क्षति, तीनको ज्यान गयो
सङ्खुवासभामा ४.१ म्याग्निच्युडको भूकम्प मापन
तपाईको प्रतिक्रिया दिनुहोस्