रूसी ड्रोन आक्रमणले युक्रेनमा पुनः जनधनको क्षति, तीनको ज्यान गयो

युक्रेनमा रूसी सेनाले गरेको पछिल्लो ड्रोन आक्रमणमा कम्तीमा तीन जनाको मृत्यु भएको छ भने बालकसहित केही व्यक्ति घाइते भएका छन्।

किभ क्षेत्रको बिलोगोरोद्स्का समुदायमा भएको आक्रमणमा एक पुरुष र एक महिलाको ज्यान गएको युक्रेनी अधिकारीहरूले बताएका छन्। सो आक्रमणमा मृत दम्पतीको चार वर्षीय बच्चासहित अन्य तीन जना घाइते भएका छन्।

• 

• 

• 

यस्तै, मध्य ड्निप्रोपेट्रोभस्क क्षेत्रमा भएको अर्को ड्रोन आक्रमणमा एक जनाको मृत्यु र पाँच जना घाइते भएका छन्।

राष्ट्रपति भोलोदिमिर जेलेन्स्कीले यस्ता आक्रमणले शान्ति प्रयास कमजोर बनेको भन्दै रूसमाथि अन्तर्राष्ट्रिय दबाब बढाउन आग्रह गरेका छन्। आगामी वार्ता फेब्रुअरी १ मा हुने अपेक्षा गरिएको छ।