इरानी अधिकारीहरूले प्रदर्शनकारीका शव फिर्ता गर्न ठुलो रकम मागेको खुलासा

काठमाण्डौँ । इरानमा हालै भएका व्यापक विरोध प्रदर्शनका क्रममा मारिएका व्यक्तिका शव परिवारलाई फिर्ता दिन ठुलो रकम मागिएको खुलासा भएको छ । बीबीसीसँग कुरा गरेका मृतकका परिवारजनका अनुसार सरकारी सुरक्षा निकायले शव बुझाउन १ अर्ब तोमानसम्म मागिरहेका छन् ।

बीबीसी पर्सियनलाई प्राप्त जानकारीअनुसार प्रदर्शनमा मारिएका व्यक्तिहरूका शव अस्पताल र शवगृहमा राखिएको छ । परिवारले मागिएको रकम नबुझाउँदासम्म शव नदिने भनिएको छ । पछिल्ला दुई हप्ताभन्दा बढी समयदेखि जारी प्रदर्शनका क्रममा इरानमा कम्तीमा २ हजार ४३५ जनाको ज्यान गएको छ ।

• 

• 

उत्तर इरानको राष्ट्र सहरका एक परिवारले बीबीसीलाई बताएअनुसार उनीहरूको आफन्तको शव पौरसिना अस्पतालको शवगृहमा राखिएको छ । सुरक्षा बलले शव फिर्ता गर्न ७० करोड तोमान (करीब ५ हजार अमेरिकी डलर) मागेको उनीहरूको भनाइ छ । सोही शवगृहमा कम्तीमा ७० जना अन्य प्रदर्शनकारीका शव रहेको बताइएको छ ।

राजधानी तेहरानमा एक कुर्द मूलका निर्माण मजदुरको परिवारले शव लिन जाँदा १ अर्ब तोमान (करीब ७ हजार अमेरिकी डलर) तिर्नुपर्ने भनिएको थियो । यति ठुलो रकम तिर्न नसकेपछि छोराको शव नलिई परिवार फर्कन बाध्य भएको बताइएको छ ।