माधवकुमार नेपालको सुरक्षा फिर्ता, सुविधा समेत कटौती

काठमाडौं – पूर्वप्रधानमन्त्री माधवकुमार नेपालको सरकारी सुरक्षा र सवारी सुविधा फिर्ता गरिएको छ। गृह मन्त्रालयका अनुसार सशस्त्र प्रहरीका ११ जना सुरक्षाकर्मी मात्र फिर्ता गरिएको भए पनि नेपालसँग रहेका सम्पूर्ण सुरक्षाकर्मी र सवारी सुविधा हटाइएको नेकपा (एस) का नेताहरूले बताएका छन्।

नेपाल अहिले निजी गाडीसमेत नपाई साथी र सहयोगीको सवारी प्रयोग गर्न बाध्य छन्। अन्य पूर्वप्रधानमन्त्रीहरू शेरबहादुर देउवा, पुष्पकमल दाहाल, बाबुराम भट्टराई, झलनाथ खनाल र केपी शर्मा ओलीले सरकारी सवारी सुविधा पाइरहेका बेला नेपालको सुविधा कटौती गरिएको हो।

• 

• 

• 

नेकपा (एस) का पोलिट्ब्युरो सदस्य लक्ष्मण केसीले राजनीतिक पूर्वाग्रहका कारण सुरक्षा फिर्ता गरिएको दाबी गर्दै राज्यले पूर्वप्रधानमन्त्रीको सुरक्षा सुनिश्चित गर्नुपर्ने बताएका छन्।