दाक्सु मिडिया
काठमाण्डौँ । नेपाली फेसबुक प्रयोगकर्ताहरूले पछिल्ला केही दिनदेखि डबल ट्याप गर्दा लाइक हुने फिचर आएको भन्दै सामाजिक सञ्जालहरूमा पोस्ट समेत गरिरहेका छन् ।
पहिला फेसबुक पोस्टको सबैभन्दा तल बायाँतर्फ रहेको लाइक बटनमा थिचेर थम्स अप अर्थात् लाइक गर्न मिल्ने सुविधा थियो । अहिले भने पोस्टमा दुई पटक छिटो छिटो थिचेको भरमा नै लाइक हुने फिचर थपिएको छ ।
पोस्टमा अन्य रियाक्सन गर्नका लागि चाहिँ नयाँ फिचर राखिएको छैन । फेसबुकमा भएको लभ, हाहा, वाउ, केयर, स्याड र एङ्ग्री रियाक्ट गर्न पहिले जस्तै लाइक बटनमा केही समय थिचेर नै रियाक्ट गर्नुपर्छ ।
यस्तै फेसबुक रिल्स र भिडिओहरूमा पनि डबल ट्याप गरेर नै लाइक गर्न सक्ने सुविधा थपिएको छ ।
हाल यो फिचर फेसबुक एपमा देखिएको छ । अधिकांश प्रयोगकर्ताहरूले यो फिचर उपलब्ध भइसकेको बताएका छन् भने केही प्रयोगकर्ताहरूले भने आफ्नो एपमा उक्त फिचर उपलब्ध भइ नसकेको बताएका हुन् ।
यो नयाँ फिचर वेब भर्जनको फेसबुकमा भने छैन । यद्यपि इन्स्टाग्रामको वेब भर्जनमा पनि डबल ट्याप गरेर लाइक गर्न सकिने सुविधा उपलब्ध छ ।
थप समाचारहरु
ट्वीटरको नयाँ फिचर सुरु, एपभित्रै युट्युब भिडियो
बाबुराम भट्टराईको फेसबुक ह्याक
बन्द भयाे सामाजिक सञ्जाल प्ल्याटफर्म फेसबुक
युट्युब बन्दा गर्दा आईपी एउटै परेमा जिमेलसमेत बन्द हुनसक्ने
गायिका एलिना चौहानको फेसबुक आइडी दुरुपयोग, ठगी प्रयासबारे सचेत रहन आग्रह
एनआईसी एशिया बैंकले लिलाम हुने सम्पत्तिको विवरणसहित अनलाइन पोर्टल सार्वजनिक गर्यो
तपाईको प्रतिक्रिया दिनुहोस्