पुस २ देखि एनसेलको थ्रीजी सेवा पूर्ण बन्द हुँदै

DaksuMedia दाक्सु मिडिया
|
मंसिर ४, २०८३

काठमाडौं । एनसेलले आगामी पुस २ गतेदेखि थ्रीजी सेवा पूर्ण रूपमा बन्द गर्ने भएको छ। कम्पनीले बाँकी रहेका २ हजार १३७ थ्रीजी साइटलाई मंसिर ७ देखि चार चरणमा बन्द गर्ने तयारी गरेको हो।

हालसम्म एनसेलका ३ हजार १२९ साइटमध्ये ९९२ वटा बन्द भइसकेका छन्। थ्रीजी बन्द भएपछि कम्पनीले फोरजी नेटवर्कलाई थप विस्तार र सुदृढ बनाउने जनाएको छ।

थ्रीजी प्रयोग गरिरहेका ग्राहकलाई फोरजीमा जान एनसेलले आग्रह गरेको छ। कम्पनीले निःशुल्क फोरजी सिमसँगै सात दिन समयसीमा भएको २ जीबी डेटा पनि उपलब्ध गराउनेछ।

फोरजीमा अपग्रेड नगरेका ग्राहकले टुजी नेटवर्कमार्फत आधारभूत कल र एसएमएस सेवा भने प्रयोग गर्न सक्नेछन्।

तपाईको प्रतिक्रिया दिनुहोस्

Leave a Reply

Your email address will not be published. Required fields are marked *