दाक्सु मिडिया
कार्तिक २६, २०८३
काठमाडौं । वीरगञ्ज नाका हुँदै नेपाल भित्रिने खाद्यान्नको परिमाण चालु आर्थिक वर्षको पहिलो त्रैमासिकमा उल्लेख्य रूपमा घटेको छ।
वीरगञ्ज भन्सार कार्यालयको तथ्यांकअनुसार साउनदेखि असोजसम्म तीन महिनामा ३ करोड १६ लाख ४० हजार किलो खाद्यान्न आयात भएको छ। गत वर्ष सोही अवधिमा ८ करोड ७० लाख ४७ हजार किलो आयात भएको थियो। यससँगै आयात परिमाणमा करिब ६३ प्रतिशतको गिरावट आएको हो।
चामल, धान र मकैको आयातमा सबैभन्दा ठूलो कमी देखिएको छ। धान आयात ३ करोड ९१ लाख किलोबाट घटेर ६९ लाख किलोमा झरेको छ भने मकै आयात पनि ३ करोड ३६ लाख किलोबाट घटेर ६७ लाख किलोमा सीमित भएको छ।
भन्सार कार्यालयका अनुसार फापर, कोदो लगायत अन्य खाद्यान्नको आयातसमेत घटेको छ।
तपाईको प्रतिक्रिया दिनुहोस्