चाडपर्वसँगै झापाको सीमामा निगरानी बढ्यो

झापा । चाडपर्व नजिकिएसँगै झापाका सीमावर्ती क्षेत्रमा सुरक्षा निगरानी बढाइएको छ। तस्करी, अवैध ओसारपसार तथा राजस्व चुहावट रोक्न मुख्य नाकासँगै वैकल्पिक र ग्रामीण बाटोमा समेत सुरक्षा गस्ती बढाइएको हो।

प्रमुख जिल्ला अधिकारी श्रवणकुमार पोखरेलको नेतृत्वमा सुरक्षा अधिकारीको टोलीले झापा–इलाम सीमावर्ती क्षेत्रका विभिन्न स्थानको अनुगमन गरेको छ। अनुगमनका क्रममा सम्भावित जोखिम र अवैध गतिविधि हुनसक्ने क्षेत्रबारे जानकारी लिइएको जनाइएको छ।

• 

सीमाबाट पटका तथा अन्य अवैध सामग्री भित्रिन सक्ने सम्भावनालाई ध्यानमा राख्दै प्रहरी र सशस्त्र प्रहरीलाई नियमित गस्ती तथा निगरानी प्रभावकारी बनाउन निर्देशन दिइएको छ। साथै, सीमावर्ती क्षेत्रको सुरक्षा अवस्थाबारे सम्बन्धित युनिटले प्रत्येक १५ दिनमा जिल्ला सुरक्षा समितिलाई विवरण बुझाउनुपर्ने व्यवस्था गरिएको छ।