घनेन्द्र बस्नेतको निधनपछि एमालेको शपथ कार्यक्रम सर्‍यो

काठमाडौँ । झापा आन्दोलनका नेता घनेन्द्र बस्नेतको निधन भएपछि नेकपा एमालेले बिहीबार तय गरेको केन्द्रीय सदस्यहरूको शपथ ग्रहण कार्यक्रम स्थगित गरेको छ।

च्यासलमा दिउँसो ३ बजे हुने भनिएको कार्यक्रम अब असोज १६ गते सोही समयमा हुने एमालेले जनाएको छ। असोज ५–८ गतेको केन्द्रीय कमिटी बैठकले ३३ जनालाई केन्द्रीय सदस्यमा मनोनित गरेको थियो।

• 

लामो समयदेखि क्यान्सरको उपचार गराइरहेका बस्नेतको बुधबार राति निधन भएको हो। उनको बिहीबार पशुपति आर्यघाटमा अन्त्येष्टि गरिने परिवारले जनाएको छ।