अदालतको मुद्दाले कांग्रेस महाधिवेशन रोकिँदैन : चालिसे

काठमाडौं । नेपाली कांग्रेसका प्रवक्ता देवराज चालिसेले अदालतमा विचाराधीन मुद्दाका कारण पार्टीको १५औँ महाधिवेशन नरोकिने बताएका छन्।

मंगलबार सानेपामा आयोजित पत्रकार सम्मेलनमा उनले संविधान र पार्टी विधानले तोकेको समयसीमाभित्र महाधिवेशन गर्नु कांग्रेसको बाध्यकारी दायित्व भएको बताए। असोज १६ देखि १९ गतेसम्म काठमाडौंमा हुने महाधिवेशनको मिति परिवर्तन नहुने उनको दाबी छ।

• 

पार्टीभित्र देखिएको असन्तुष्टि नीतिगत नभई पद र अवसरसँग सम्बन्धित रहेको भन्दै उनले कुनै पनि बहानामा महाधिवेशन प्रक्रिया रोक्न नसकिने स्पष्ट पारे।