देशका ३७ जिल्लामा फ्ल्यास फ्लडको चेतावनी, सतर्क रहन आग्रह

काठमाडौं — निरन्तर वर्षाका कारण काठमाडौं उपत्यकासहित देशका ३७ जिल्लामा आकस्मिक बाढीको जोखिम बढेको भन्दै बाढी पूर्वानुमान महाशाखाले सतर्कता अपनाउन आग्रह गरेको छ।

महाशाखाका अनुसार कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका विभिन्न जिल्लाबाट बग्ने साना नदी तथा खोलाहरूमा पानीको बहाव उल्लेख्य रूपमा बढ्न सक्ने अनुमान गरिएको छ।

• 

सम्बन्धित क्षेत्रका बासिन्दालाई नदी तथा खोलानजिक अनावश्यक आवतजावत नगर्न, जोखिमयुक्त स्थानबाट सावधानी अपनाउन तथा मौसम र बाढीसम्बन्धी आधिकारिक सूचना नियमित रूपमा पछ्याउन महाशाखाले अनुरोध गरेको छ।