यात्रुलाई हैरानी दिने आरोपमा जडीबुटीबाट ३२ जना पक्राउ

काठमाडौं । सार्वजनिक सवारीमा यात्रु तानातान गर्ने र दुःख दिने गरेको आरोपमा प्रहरीले काठमाडौंको जडीबुटी क्षेत्रबाट ३२ जना बिचौलियालाई नियन्त्रणमा लिएको छ।

उपत्यका अपराध अनुसन्धान कार्यालयका अनुसार पक्राउ परेकाहरूले बसको सिट मिलाइदिने भन्दै यात्रुलाई झोला तान्ने, दबाब दिने र दुर्व्यवहार गर्ने गरेको गुनासो आएको थियो।

• 

प्रहरीले पक्राउ परेकाहरूको विवरण जाँच गरी थप अनुसन्धान अघि बढाउने जनाएको छ। यसअघि पनि बल्खु क्षेत्रबाट १७ जना बिचौलिया पक्राउ परेका थिए।