किभमा रुसी हवाई आक्रमण, सात जनाको ज्यान गयो

किभ,असार २२ । युक्रेनको राजधानी किभमा रुसले गरेको क्षेप्यास्त्र तथा ड्रोन आक्रमणमा कम्तीमा सात जनाको मृत्यु भएको छ भने दुई दर्जनभन्दा बढी घाइते भएका छन्।

आक्रमणका कारण विभिन्न आवासीय भवन र अन्य संरचनामा क्षति पुगेको जनाइएको छ। प्रभावित क्षेत्रहरूमा उद्धार टोलीले भग्नावशेष हटाउँदै खोज तथा उद्धार कार्य जारी राखेका छन्।

• 

स्थानीय अधिकारीहरूका अनुसार केही भवनमा आगलागीसमेत भएको छ। पछिल्ला दिनहरूमा किभमाथि भएका आक्रमणले सर्वसाधारणको जनजीवन प्रभावित बनाएको छ।