बाढीपछि बन्द भएको बीपी राजमार्गमा यातायात पुनः सुचारु

काठमाडौँ, असार २२ । वर्षाका कारण अवरुद्ध भएको बीपी राजमार्गमा यातायात सेवा पुनः सञ्चालनमा आएको छ।

रोशी र दाप्चा खोलामा आएको बाढीले डाइभर्सनमा क्षति पुर्‍याएपछि सडक केही समयका लागि बन्द भएको थियो। प्रभावित क्षेत्रमा आवश्यक व्यवस्थापन गरेपछि आज बिहानदेखि सवारीसाधन आवतजावत सामान्य बनेको प्रहरीले जनाएको छ।

• 

लगातारको वर्षासँगै नदी तथा खोलाको सतह बढ्न सक्ने भएकाले यात्रा गर्दा सावधानी अपनाउन सम्बन्धित निकायले आग्रह गरेका छन्।