मनसुन र यात्रु कमीले पोखरा–जोमसोम उडान स्थगित

मुस्ताङ, जेठ २१ — मनसुन सुरु हुनुका साथै यात्रु सङ्ख्या घटेपछि पोखरा–जोमसोम नियमित हवाई सेवा करिब तीन महिनाका लागि रोकिएको छ।

जोमसोम नागरिक उड्डयन कार्यालयका अनुसार तारा एयरलाइन्स र समिट एयरलाइन्सले मौसमको प्रतिकूलता तथा पर्यटकीय अफसिजनलाई ध्यानमा राख्दै उडान अस्थायी रूपमा बन्द गरेका हुन्।

• 

• 

• 

नियमित उडान रोकिए पनि आकस्मिक चार्टर तथा हेलिकप्टर सेवा भने सञ्चालनमै रहने जनाइएको छ। सम्बन्धित वायुसेवा कम्पनीहरूले मौसम सुधार र पर्यटक आगमन बढेसँगै आगामी भदौदेखि सेवा पुनः सञ्चालन गर्ने तयारी गरेका छन्।