रेश्मिका हत्या प्रकरणमा थप तीन जना नियन्त्रणमा

खोटाङ । खोटाङको दिप्रुङ चुइचुम्मा गाउँपालिका–४ बतासेकी २७ वर्षीया रेश्मिका परियारको हत्या घटनामा संलग्न रहेको आशंकामा प्रहरीले थप तीन युवालाई पक्राउ गरेको छ। पक्राउ पर्नेमा हेमन परियार, दीपक श्रेष्ठ र दीपक राई रहेका छन्।

प्रहरीका अनुसार उच्च अदालत ओखलढुङ्गाको निर्देशनपछि उनीहरूलाई नियन्त्रणमा लिएर अनुसन्धान अघि बढाइएको हो। यसअघि पनि सोही घटनामा एक किशोर पक्राउ परेर पुर्पक्षका लागि कारागार पठाइएका थिए।

• 

• 

• 

रेश्मिका गत भदौ ३० गते मृत अवस्थामा फेला परेकी थिइन्। परिवारको किटानी जाहेरीपछि प्रहरीले घटनाको थप अनुसन्धान तीव्र बनाएको जनाएको छ।