सडक खन्ने क्रममा डोल्पामा घरमाथि डोजर खस्दा दुई घरमा क्षति

काठमाण्डौँ । हिमाली जिल्ला डोल्पामा सडक विस्तार गर्ने क्रममा डोजर दुर्घटनामा परेको छ ।

जिल्लाको ठूलीभेरी नगरपालिका-६ काँडातालीमा आज विहान सडक विस्तारको काम गरिरहेको क्रिस एन्ड क्रस्टिना निर्माण सेवा मुड्केचुलाको डोजर अनियन्त्रित भई दुर्घटनामा परेको जिल्ला प्रहरी कार्यालय डोल्पाले जनाएको छ ।

• 

डोजर पल्टिँदा काँडातालीका ४५ वर्षीय सिद्दी बुढा र ४२ वर्षीय सुद्दसिंह बूढाको घरको माथिल्लो तला पूर्ण रूपमा भत्किएको छ भने तल्लो तलामा समेत चर्किएको जिल्ला प्रहरी कार्यालय डोल्पाका प्रहरी नायव उपरीक्षक रुकबहादुर खड्काले जानकारी दिए ।

उनले डोजर दुर्घटनामा कुनै पनि मानविय क्षति नभएको र चालक हरि पुन सकुशल रहेको समेत बताए ।