उच्च पहाडी क्षेत्रमा वर्षासँगै हिमपात, किसान उत्साहित

बाजुरा । बाजुराको उच्च हिमाली भेगमा गएरातिदेखि वर्षासँगै हिमपात भएको छ। बडीमालिका, बूढीगङ्गा त्रिवेणी, बूढीनन्दा नगरपालिका, हिमाली, खप्तड छेडेदह, गौमुल, स्वामीकार्तिक र जगन्नाथ गाउँपालिकाका लेकाली क्षेत्रहरूमा हिमपात देखिएको हो। हिमालीको विच्छ्या, रुगिन, बाँधु, गौमुलको अम्लिस, दहकोट, बूढीनन्दाको कुरु र पाण्डुसैन लगायतका स्थानमा यसको प्रभाव बढी परेको छ।

कृषि ज्ञान केन्द्रका प्रमुख जसीराम सहानीका अनुसार वर्षासँगै परेको हिउँले बालीबिरुवालाई फाइदा पुग्ने भएकाले किसानहरू खुसी भएका छन्।

• 

• 

यसैबीच डिभिजन वन कार्यालयले जङ्गली जनावरको चोरी सिकारी नगर्न सर्वसाधारणलाई सचेत गराएको छ। चोरी सिकारी गरे वन ऐनअनुसार कानुनी कारबाही हुने सूचना अधिकारी सुवासचन्द्र अयडीले बताएका छन्।