प्रहरी सहायक निरीक्षक मनिष देवानको मृत्यु

काठमाण्डौँ । प्रहरी सहायक निरीक्षक (असई) मनिष देवानको मृत्यु भएको छ । जिल्ला प्रहरी कार्यालय उदयपुरको कन्ट्रोलरुम सञ्चार शाखा दरबन्दीमा सरुवा भई जिल्ला प्रहरी कार्यालय ताप्लेजुङबाट कात्तिक २३ गते रमाना बुझेका देवानको मृत्यु भएको हो ।

ईलाम जिल्लाको माईजोगमाई गाउपालिका ३ नाम्सालिङ घर भई फुङलिङ नगरपालिका ५ बिरेन्द्र चौकमा डेरा बस्दै आएका उनको अचानक मृत्यु भएको जिल्ला प्रहरी कार्यालयले जनाएको छ।

• 

• 

प्रहरी नायब उपरीक्षक वेद प्रसाद गौतमका अनुसार घरमै बसिरहेको अवस्थामा अचानक बिरामी भएपछि उपचारका लागि जिल्ला अस्पताल ताप्लेजुङ पुर्‍याइएको थियो ।

चेकजाँच गर्ने क्रममा डाक्टरले मृत घोषणा गरेको र मृतकको शव जिल्ला अस्पतालकै शव गृहमा राखिएको गौतमले बताए ।

मृतक देवानकी श्रीमती सन्तोषी थापासमेत जिल्ला प्रहरी कार्यालय ताप्लेजुङको सञ्चार शाखामा कार्यरत रहेको प्रहरीले जनाएको छ ।