गठबन्धनलाई बहुमत पुर्‍याउन राजीनामा दिने तयारीमा कोशीका सभामुख गौतम

कोशी प्रदेशका तत्कालिन मुखयमन्त्री उद्धव थापाको नियुक्ति असंवैधानिक ठहर गर्दै सर्वोच्चले नयाँ सरकार बनाउन परमादेश दिएपछि तातेको कोशीको राजनीतिक सरगर्मी बढ्दो छ ।
सर्वोच्चको परमादेश अनुसार प्रदेश प्रमुख परशुराम खापुङले नयाँ सरकारमा दाबी पेस गर्न दिएको समय आज साँझ सकिँदैछ । सत्तारुढ दलहरुले बहुमतका लागि राप्रपालाई फकाउन नसकेपछि सभामुख बाबुराम गौतमलाई राजीनामा गराउने भएका छन् ।
माओवादी केन्द्रबाट निर्वाचित सभामुख बाबुराम गौतमलाई राजीनामा गराएर आजै कांग्रेस संसदीय दलका नेता उद्धव थापालाई मुख्यमन्त्रीमा प्रस्ताव गर्ने गठबन्धन दलहरुको तयारी रहेको छ ।
केन्द्रीय नेतृत्वको दवाव सहर राजीनामा नदिने मनस्थितीमा रहेका गौतम अन्तत नेतृत्वको दवाव थेग्न नसकेपछि राजीनामा दिने तयारीमा लागेको उच्च स्रोतले जनाएको छ ।
कोशी प्रदेशमा नेपाली कांग्रेसका २९, माओवादीका सभामुखबाहेक १२, एकीकृत समाजवादीका ४ र जसपाका १ गरी ४६ सांसद मात्रै हुने भएपछि सभामुखलाई राजीनामा दिन लगाउन लागिएको हो।

थप समाचारहरु

कोशीमा गठबन्धनलाई राप्रपाले दिएन साथ,४ दलले आज मुख्यमन्त्रीमा दाबी पेस गर्ने रास्वपाले प्रचण्डलाई अन्तिमसम्म साथ दिने, राजीनामा नदिने सभामुख घिमिरे बालुवाटार सर्ने तयारीमा बागमती प्रदेशका मुख्यमन्त्री बहादुरसिंह लामाले पदबाट राजीनामा दिने लुम्बिनीका मुख्यमन्त्री शंकर पोखरेलद्वारा राजीनामा कोशीमा कामचलाउ सरकारको प्रमुख को ?