विदेश पठाइदिने बहानामा लाखौँ ठगी गर्ने दुई जना पक्राउ

दाक्सु मिडिया

२०८२ कार्तिक ३०

काठमाडौँ — बेलायत र अष्ट्रेलिया पठाइदिने भनेर लाखौँ रुपैयाँ ठगी गरेका दुई जनालाई प्रहरीले पक्राउ गरेको छ।

पक्राउ पर्नेमा ललितपुर बस्ने ३१ वर्षीय मनोहर चौधरी र काठमाडौँ बस्ने २२ वर्षीय मेघराज सुनार छन्।

चौधरीले बेलायत पठाइदिने भन्दै ८ लाख ५० हजार रुपैयाँ र सुनारले अष्ट्रेलिया पठाइदिने भन्दै २८ लाख लिएको उजुरीपछि दुवैलाई पक्राउ गरी वैदेशिक रोजगार विभाग ताहाचलमा पठाइएको प्रहरीले जनाएको छ।