ढाकामा पूर्व प्रधानमन्त्री हसिना र ट्युलिप सिद्दिक भ्रष्टाचारमा दोषी ठहर

ढाका – बङ्गलादेशकी अपदस्थ पूर्व प्रधानमन्त्री शेख हसिना र उनकी बहिनीकी छोरी बेलायती सांसद ट्युलिप सिद्दिकलाई ढाका विशेष अदालतले सरकारी जग्गा टाउनसिप परियोजनासम्बन्धी भ्रष्टाचारमा दोषी ठहर गरेको छ। अदालतले हसिनालाई पाँच वर्ष र सिद्दिकलाई दुई वर्षको जेल सजाय सुनाएको छ।

अदालतले हसिनाले प्रधानमन्त्रीको पदको दुरुपयोग गरेको र सिद्दिकले आफ्नी ठूली आमालाई सरकारी परियोजनामा लाभ दिलाउन सहयोग गरेको ठहर गरेको हो। यसै मुद्दामा सिद्दिककी आमा शेख रेहानालाई सात वर्षको जेल सजाय दिइएको छ।

• 

सिद्दिकले बेलायतमा सांसदको पदमा रहँदा यी आरोप अस्वीकार गर्दै राजनीतिक प्रतिशोध भएको बताएकी थिइन्। यसै प्रकरणमा अन्य १४ जनालाई समेत संलग्न रहेको अदालतले जनाएको छ।