दशैंमा हाइप धेरै, कमाइ थोरै: तीन नेपाली फिल्मको ग्रस ५ करोडमुनि

दाक्सु मिडिया

२०८२ कार्तिक ३

काठमाडौं । दशैंको फूलपातीमा प्रदर्शनमा आएका तीन नेपाली चलचित्र — बलिदान, हरिबहादुरको जुत्ता र माइतीघर — ले १९ दिनसम्म पनि घरेलु बक्स अफिसबाट ५ करोड रुपैयाँ कटाउन सकेनन्।

चलचित्र विकास बोर्डले सार्वजनिक गरेको तथ्यांकअनुसार:

बलिदान (निर्देशक: सन्तोष सेन) को ग्रस कमाइ ४ करोड ९८ लाख ८६ हजार ८५४ रुपैयाँ।
हरिबहादुरको जुत्ता (निर्देशक: दीपेन्द्र के. खनाल) ले ४ करोड ५७ लाख ११ हजार ३५२ रुपैयाँ।
माइतीघर (निर्देशक: मिलन तामाङ) ले ३ करोड ८८ लाख ५० हजार २३० रुपैयाँ कमायो।

धेरै प्रचार–प्रसार र ठुलो लगानी (बलिदानको लगानी करिब ६ करोड) भए पनि तीनै फिल्मले अपेक्षित कमाइ गर्न सकेनन्।

बोर्डले भारतीय फिल्म कान्तारा २ सहित नेपाली फिल्महरूको १९ दिने कमाइ विवरण सोमबार सार्वजनिक गरेको हो।