प्रतिनिधि सभाको बैठक आज बस्दै

काठमाडौं : आज प्रतिनिधि सभाको बैठक बस्दै छ। बैठक संघीय संसद् भवन, नयाँ बानेश्वरमा बिहान ११ बजेबाट सुरु हुने संघीय संसद् सचिवालयले जनाएको छ।

संसद् सचिवालयका अनुसार आजको बैठकमा अर्थ, गृह, भौतिक पूर्वाधार तथा यातायात र संस्कृति, पर्यटन तथा नागरिक उड्डयन मन्त्रालय सम्बन्धी मौखिक प्रश्नहरूको सम्बन्धित मन्त्रीले उत्तर दिने सम्भावित कार्यसूचीमा उल्लेख गरिएको छ। आजको बैठकमा ‘बैंकिङ कसुर तथा सजाय (दोस्रो संशोधन) विधेयक, २०८०’ का सम्बन्धमा राष्ट्रियसभाबाट प्राप्त सन्देशसहितको विधेयक टेबुल गरिने भएको छ।

सचिवालयले सार्वजनिक गरेको सम्भावित कार्यसूची अनुसार पूर्वाधार विकास समितिका सभापति दिपकबहादुर सिंहले जलस्रोत विधेयक सम्बन्धी समितिको प्रतिवेदन, २०८१ पेस गर्ने छन्। साथै, ऊर्जा, जलस्रोत तथा सिँचाइ मन्त्री दीपक खड्काले ‘नवीकरणीय ऊर्जा तथा ऊर्जा दक्षता सम्बन्धी विधेयक, २०८१’ लाई दफावार छलफलको लागि सम्बन्धित समितिमा पठाइयोस्’ भन्ने प्रस्ताव प्रस्तुत गर्ने छन्।

थप समाचारहरु

प्रतिनिधि सभाको बैठक बस्दै, शोक प्रस्ताव पारित गरिने प्रतिनिधि सभाको बैठक बस्दै, यस्तो छ कार्यसूची प्रतिनिधि सभाको बैठक बस्दै, यी हुन् आजको कार्यसूची पुनर्स्थापित प्रतिनिधि सभाको दोस्रो बैठक आज दिउँसो १ बजेदेखि प्रतिनिधि सभाको बैठक बस्दै प्रतिनिधि सभाको बैठक बस्दै, एमालेले किन माग्दैछ प्रधानमन्त्रीसँग जवाफ?