सर्पदंश र रेबिज उपचारका लागि खोप आइपुग्यो

काठमाडौं । सर्पदंश र रेबिजको उपचारमा प्रयोग हुने आवश्यक खोप तथा औषधि नेपाल आइपुगेको छ। स्वास्थ्य सेवा विभागका अनुसार सर्पदंशविरुद्धको ८ हजार २ सय भायल खोप बिहीबार टेकुस्थित केन्द्रीय भ्याक्सिन स्टोरमा प्राप्त भएको हो।

त्यस्तै, रेबिजविरुद्ध प्रयोग हुने १७ हजार ६ सय भायल रेबिज इम्युनोग्लोबुलिन पनि केन्द्रीय भण्डारमा आइपुगेको विभागले जनाएको छ।

• 

• 

निमित्त महानिर्देशक डा. अनुज भट्टचनका अनुसार आवश्यक प्रक्रिया पूरा गरी यी सामग्री सातवटै प्रदेशका स्वास्थ्य आपूर्ति केन्द्रमार्फत सम्बन्धित स्वास्थ्य संस्थामा पठाइनेछ। खोप तथा औषधि उपलब्ध भएपछि सर्पदंश र रेबिजको जोखिममा रहेका बिरामीको उपचार थप सहज हुने अपेक्षा गरिएको छ।