महाधिवेशनले पार्टीलाई नयाँ दिशा दिन्छ : बुर्लाकोटी

काठमाडौं, असार ६ — राष्ट्रिय स्वतन्त्र पार्टीको प्रथम राष्ट्रिय महाधिवेशनले पार्टीको नीति र नेतृत्वलाई अझ प्रभावकारी बनाउने महामन्त्री कविन्द्र बुर्लाकोटीले बताएका छन्।

चितवनमा हुने महाधिवेशनले राजनीतिक नीति, नेतृत्व चयन, विधान संशोधन र आगामी कार्यदिशाबारे निर्णय गर्ने उनले बताए। उनका अनुसार महाधिवेशन केवल नेतृत्व परिवर्तनको प्रक्रिया नभई नीति परिमार्जन गर्ने महत्वपूर्ण अवसर पनि हो।

• 

बुर्लाकोटीले पार्टीलाई लोकतान्त्रिक विधिबाट अघि बढाउने प्रतिबद्धता जनाउँदै संवाद, सहमति र निर्वाचनमार्फत नेतृत्व चयन हुने बताए। उनले सरकार र संसद्को कामलाई अझ प्रभावकारी तथा जनमुखी बनाउनेतर्फ पार्टी केन्द्रित रहेको उल्लेख गरे।