छिटोको नाममा अध्यादेशबाट शासन गर्न खोज्नु विद्यामान संसदीय प्रणालीको विपरितः भीम रावल

दाक्सु मिडिया

२०८३ बैशाख १८

काठमाडौँ ।पूर्वउपप्रधानमन्त्री तथा नेपाली कम्युनिस्ट पार्टीका नेता डा.भीम रावलले कानुन लत्त्याएर अध्यादेशबाट शासन गर्न खोज्नु विद्यामान संसदीय प्रणालीको विपरित भएको बताएका छन् ।

सरकार आफैले आह्वान गरेको संसद्को बैठक स्थगित गरी राष्ट्रपतिसमक्ष ६ वटा अध्यादेश सिफारिस गरेकोप्रति असन्तुष्टि जनाउँदै रावलले सरकारको विरोध गरेका हुन् । शुक्रबार सामाजिक सञ्जाल फेसबुकमार्फत उनले छिटोको नाममा प्रचलित कानुन, विधि, प्रणाली र प्रक्रिया मिच्नु दीर्घकालीन रूपमा प्रत्युत्पादक बन्ने बताएका छन् ।