दाक्सु मिडिया
काठमाण्डौँ । राष्ट्रिय स्वतन्त्र पार्टीका सभापति रवि लामिछानेमाथि राहदानी दुरुपयोगसम्बन्धी मुद्दाको सुनुवाइका लागि आज सर्वोच्च अदालतले पेसी तोके पनि सुनुवाइ स्थगित भएको छ ।
युवराज पौडेल (सफल) ले लामिछानेविरुद्ध राहदानी कसुरमा मुद्दा चलाउनुपर्ने माग गर्दै दुई वर्षअघि दायर भएको रिटको आज सुनुवाइको लागि पेसी तोकिएको थियो । लामिछानेविरुद्ध मुद्दा नचलाउने महान्यायाधिवक्ता कार्यालयको निर्णय कानुनविपरीत रहेको भन्दै उनले रिट दायर गरेका थिए ।
२०७९ चैत ६ गते महान्यायाधिवक्ता कार्यालयले लामिछानेविरुद्ध मुद्दा चलाउनु नपर्ने निर्णय गरेको थियो । त्यसअघि, प्रहरी, सरकारी वकिल कार्यालयले लामिछानेविरुद्ध राहदानी प्रकरणमा मुद्दा नचलाउने निर्णय गरेका थिए ।
राहदानी प्राप्त गर्ने कार्यमा लामिछानेको आपराधिक मनसाय नरहेको भनेर महान्यायाधिवक्ताले आफ्नो क्षेत्राधिकारभन्दा बाहिर गएर निष्कर्ष निकालेको पनि पौडेलले दाबी गरेका छन् ।
थप समाचारहरु
रविविरुद्धको मुद्दाको सुनुवाइ स्थगित
मोहम्मद अफताव आलमको मुद्दाको सुनुवाइ फेरि स्थगित
ललिता निवास प्रकरणः नेपाल र भट्टराईविरुद्धको मुद्दामा सुनुवाइ हुँदै
आज रवि र छविको मुद्दामा सुनुवाइ हुँदै
मन्त्रिपरिषद् बैठकमा सात लाख थान विद्युतीय राहदानी खरिद गर्ने निर्णय
रवि र छविको मुद्दामा सुनुवाइका लागि पेसी तोकियो
तपाईको प्रतिक्रिया दिनुहोस्