काठमाडौंमा फेरि देखियो बर्डफ्लु संक्रमण

१२‌ जेठ, काठमाडौं । काठमाडौंमा फेरि बर्डफ्लु संक्रमण देखिएको छ ।

पशु सेवा विभागले जनाए अनुसार कीर्तिपुरस्थिति दुई ठाउँ र चन्द्रागिरीमा पालिएको टर्कीमा बर्डफ्लु संक्रमण पुष्टि भएको हो।प्रारम्भिक रुपमा करीब ८ सय टर्की नष्ट गर्न र सो क्षेत्र निसंक्रमण गर्न बुधबार बिहानैदेखि प्राविधिक टोली खटिएको जनाइएको छ।

• 

• 

अस्वभाविक रुपमा टर्कीको मृत्यु भए पछि विभागले नमुना संकलन गरेर केन्द्रीय प्रयोगशालामा रियलटाइम पीसीआर विधिबाट गरेको परीक्षणमा बर्डफ्लु पुष्टि भएको हो ।

पन्छी नष्ट र निसंक्रमण विधि सकिएपछि बुधबार साँझसम्म विस्तृत विवरण सार्वजनिक गर्ने तयारी भइरहेको विभागले जनाएको छ ।