४ जेठ, सुर्खेत । दैलेखमा भएको जिप दुर्घटनामा परी २ जनाको घटनास्थलमै मृत्यु भएको छ ।
जिल्ला प्रहरी कार्यालय दैलेखका प्रमुख डीएसपी अनुपम श्रेष्ठले जानकारी दिए अनुसार जिल्लादेखि सुर्खेततर्फ जाँदै गरेको बा २० च ७१५ नम्बरको जिप दुल्लु नगरपालिका–३, सियालामा दुर्घटना भएको हो ।
डीएसपी श्रेष्ठका अनुसार दुर्घटनामा परी मृत्यु हुनेमा जिप चालक जुम्लाको गुटिचौर गाउँपालिका–४, का ३८ वर्षीय रामहरि न्यौपाने र गुटिचौर–२ की २७ वर्षीया राज्यलक्ष्मी न्यौपाने रहेका छन्।
दुईजना मात्रै सवार जिप मंगलबार बिहान साढे ६ बजे कर्णाली राजमार्गबाट करिब ५०० मिटर तल खसेको प्रहरीले जनाएको छ ।
घटनाको थप अनुसन्धान भइरहेको डीएसपी श्रेष्ठले बताए ।
फेसबुकबाट तपाईको प्रतिक्रिया