दाक्सु मिडिया
२०७७ माघ ७
काठमाडौं : काठमाडौंको महाराजगञ्जस्थित पवित्रनगरमा नवजात शिशु फेला परेको छ ।
पवित्रनगरस्थित झाडीमा आज बिहान नवजात शिशु फेला परेको हो । ‘बिहानको समयमा नवजात शिशु रोएको स्थानीयले सुने छन्, गएर हेर्दा भर्खरै जन्मेको शिशु देखेपछि प्रहरीलाई खबर भयो । नवजात शिशुको अहिले कान्तिबाल अस्पतालमा उपचार भइरहेको छ,’डीएसपी प्रमेश विष्टले भने ।
प्रहरीले झाडीमा नवजात शिशु लगेर फाल्ने २० वर्षीय महिलालाई पनि नियन्त्रणमा लिएको छ । महाराजगञ्ज क्षेत्रमा डेरा गरी बस्ने महिला अविवाहित रहेको र उनको पनि कान्तिबाल अस्पतालमा उपचार भइरहेको प्रहरीले जनाएको छ । थप अनुसन्धान भइरहेको प्रहरीले जनाएको छ ।
तपाईको प्रतिक्रिया दिनुहोस्