कतारको औद्योगिक क्षेत्रमा दुर्घटना, १३ जनाको ज्यान गयो

काठमाडौँ, असार ९ — कतारको रास लाफान औद्योगिक क्षेत्रमा रहेको एक कारखानामा भएको विस्फोटमा १३ जनाको मृत्यु भएको छ। ज्यान गुमाउनेमध्ये १२ जना भारतीय नागरिक रहेको पुष्टि गरिएको छ।

दोहास्थित भारतीय दूतावासका अनुसार घटनामा घाइते भएकाहरू उपचाररत छन् र उनीहरूको अवस्था स्थिर छ। प्रभावित परिवारलाई आवश्यक सहयोग उपलब्ध गराउन कतारी निकायहरूसँग समन्वय भइरहेको दूतावासले जनाएको छ।

• 

कतार सरकारले घटनाबारे अनुसन्धान अघि बढाएको छ भने मृतकहरूको शव स्वदेश पठाउने प्रक्रिया पनि सुरु गरिएको बताइएको छ।