दाक्सु मिडिया
काठमाण्डौँ । भौतिक पूर्वाधार विकास मन्त्रालय, मधेश प्रदेशअन्तर्गत कार्यरत कर्मचारीले सब–इन्जिनियर प्रमोदकुमार यादवको हत्या घटनाको विरोधमा आज ‘पेनडाउन’ गरेका छन् ।
कर्मचारीले हातमा कालोपट्टि बाँधेर कार्यालयको कामकाज पूर्ण रूपमा ठप्प पार्नुका साथै घटनाको निष्पक्ष तथा शीघ्र छानबिनको माग गरेका छन् ।
पूर्वाधार विकास कार्यालय सर्लाहीमा कार्यरत सब–इन्जिनियर यादवको आइतबार राति मलङ्गवा नगरपालिका–१० मा अज्ञात समूहले गोली हानी हत्या गरेको थियो । यस घटनापछि प्रदेशभरिका प्राविधिक र प्रशासनिक कर्मचारी आन्दोलित बनेका छन् ।
आन्दोलनमा सहभागी कर्मचारीले सार्वजनिक सेवामा खटिएका प्राविधिकमाथि भइरहेको आक्रमणले कार्यस्थलको सुरक्षा कमजोर भएको बताए । साथै, दोषीलाई तत्काल पक्राउ गरी कानूनी कारबाही गर्न सरकारसँग माग गरेका छन् ।
कर्मचारीका विभिन्न सङ्घ सङ्गठनले संयुक्त विज्ञप्ति जारी गर्दै घटनालाई गम्भीरतापूर्वक लिन आग्रह गरेका छन् ।
यस्ता हिंसात्मक घटनाले कर्मचारीको मनोबल घटाउने र सेवा प्रवाहमा प्रत्यक्ष असर पार्ने विज्ञप्तिमा उल्लेख छ ।
थप समाचारहरु
कोशी प्रदेशमा मन्त्रीमण्डल हेरेफेर, कांग्रेस–एमालेका ५/५ नयाँ मन्त्री नियुक्त
संखुवासभा हत्या प्रकरणमा लोकबहादुर होइन, खड्गबहादुर मुख्य योजनाकार
घुरेर हेरेको भन्दै श्रीमतीको हत्या
सुजिता भण्डारी घटना बारे छानबिनको माग गर्दै राजमार्ग अवरुद्ध
नयाँ कर्मचारीले जीवन बीमा कोषमा नपुग रकम जम्मा गर्नुपर्ने
दार्चुलामा प्रहरी हवल्दारको हत्या आरोपमा ४ जना पक्राउ
तपाईको प्रतिक्रिया दिनुहोस्