जेन–जी आन्दोलनका घाइतेलाई ४ हजारदेखि १८ हजारसम्म भत्ता

काठमाडौं । सरकारले भदौ २३–२४ गते सम्पन्न जेन–जी आन्दोलनमा घाइते भएकाहरूलाई अपाङ्गताको अवस्था र चोटको गम्भीरताका आधारमा चार तहमा वर्गीकरण गर्ने प्रक्रिया तीव्र बनाएको छ।

मन्त्रिपरिषद्बाट मङ्सिर २२ गते स्वीकृत कार्यविधिअनुसार अब घाइतेहरूलाई साधारण, मध्यम, गम्भीर र अति गम्भीर गरी वर्गीकरण गरिनेछ। जिल्ला प्रशासन कार्यालयले सिफारिस गरेपछि स्वास्थ्य तथा जनसङ्ख्या मन्त्रालयले अन्तिम प्रमाणीकरण गर्ने व्यवस्था गरिएको छ।

• 

• 

स्वास्थ्य मन्त्रालयका सहसचिवको नेतृत्वमा गठन हुने प्राविधिक समितिले घाइतेको अवस्था मूल्याङ्कन गर्नेछ। कार्यविधिअनुसार मध्यम घाइतेले मासिक ४ हजार, गम्भीर घाइतेले ९ हजार र अति गम्भीर घाइतेले मासिक १८ हजार रुपैयाँ जीविकोपार्जन भत्ता पाउने व्यवस्था गरिएको गृह मन्त्रालयले जनाएको छ।

सरकारले यस निर्णयमार्फत आन्दोलनमा घाइते भएकाहरूको जीवनयापनमा सहयोग पुग्ने विश्वास व्यक्त गरेको छ।