श्रीलङ्कामा विनाशकारी चक्रवात, ४६५ जनाको मृत्यु

कोलम्बो, २०८२ मंसिर १७ – श्रीलङ्कामा गएको शक्तिशाली चक्रवातका कारण अहिलेसम्म कम्तीमा ४६५ जनाको मृत्यु भएको अधिकारीहरूले जनाएका छन्। बाढी र पहिरोले गर्दा थप ३६६ जना बेपत्ता छन्।

सरकारी अधिकारीहरूका अनुसार, घर, सडक र उद्योग क्षेत्रको क्षति पूरै गर्न करिब ६–७ अर्ब अमेरिकी डलर आवश्यक पर्छ। प्रभात चन्द्रकीर्तिले भने, “प्रत्येक परिवारलाई घर सफा गर्न २५ हजार रुपैयाँ, र घर गुमाउनेलाई २५ लाख रुपैयाँ सहयोग दिइएको छ।”

• 

राष्ट्रपति अनुरा कुमार दिसानायकले आर्थिक सङ्कटका कारण राहत कार्यमा विदेशी सहयोग अपरिहार्य रहेको बताएका छन्। देशका १५ लाखभन्दा बढी मानिस प्रकोपबाट प्रभावित भएको र करिब २ लाख सुरक्षित आश्रयमा रहेका छन्।

अत्यावश्यक सडक र सञ्चार सेवा पुनःस्थापना गर्न कठिनाइ भए तापनि राजधानी कोलम्बोमा बाढीको पानी कम हुँदै गएको छ।

पर्यटनमा आधारित अर्थतन्त्रका बावजुद, श्रीलङ्काले कोलम्बो बन्दरगाहमा लक्जरी क्रुजलाई स्वागत गर्दै देशको सुरक्षा र खुलापनको सन्देश दिएको जनाएको छ।