राष्ट्र बैंकद्वारा आजको विदेशी विनिमय दर सार्वजनिक

काठमाडौँ। नेपाल राष्ट्र बैंकले बुधबारका लागि लागू हुने विदेशी मुद्राको विनिमय दर सार्वजनिक गरेको छ। बैंकका अनुसार आज अमेरिकी डलर एकको खरिददर १४२ रुपैयाँ ४६ पैसा तोकिएको छ भने बिक्रीदर १४३ रुपैयाँ ०६ पैसामा निर्धारण गरिएको छ।

अस्ट्रेलियन डलरको खरिददर ९१ रुपैयाँ ८४ पैसा र बिक्रीदर ९२ रुपैयाँ २३ पैसा रहेको छ। त्यस्तै क्यानेडियन डलर एकको मूल्य खरिदमा १०० रुपैयाँ ८७ पैसा र बिक्रीमा १०१ रुपैयाँ २९ पैसा कायम गरिएको छ।

• 

• 

• 

युरोपियन युरोको आजको दर खरिदमा १६४ रुपैयाँ २८ पैसा र बिक्रीमा १६४ रुपैयाँ ९८ पैसा निर्धारण गरिएको छ। यस्तै, युके पाउन्ड स्टर्लिङको खरिददर १८६ रुपैयाँ ८४ पैसा र बिक्रीदर १८७ रुपैयाँ ६२ पैसा तय गरिएको छ।

राष्ट्र बैंकले आवश्यक परे विनिमय दर कुनै पनि समयमा परिमार्जन गर्न सकिनेसम्बन्धी जानकारी समेत दिएको छ। साथै, विभिन्न वाणिज्य बैंकहरूले तोक्ने दरमा केही फरक हुन सक्ने र नवीनतम दर हेर्न केन्द्रीय बैंकको वेबसाइट उपयोग गर्न सकिने उल्लेख गरिएको छ।