पुष्प व्यवसायमा ८ अर्ब ८३ करोड लगानी, ५३ हजारलाई रोजगारी

काठमाडौं । तिहार नजिकिँदै गर्दा नेपालमा पुष्प व्यवसाय फस्टाएको छ। नेपालभर झण्डै २७० हेक्टर क्षेत्रमा फूलखेती हुँदै आएको छ भने यस व्यवसायमा हालसम्म ८ अर्ब ८३ करोड रुपैयाँभन्दा बढी लगानी भइसकेको छ। यसबाट ५३ हजार ५०० जनाले रोजगारी पाएका छन्।

तिहारमा विशेषगरी सयपत्री र मखमलीको माग बढ्ने हुँदा फूलको उत्पादन र व्यापार तीव्र भएको छ। काठमाडौँ उपत्यकाभित्र मात्र तिहारमा ४० लाखभन्दा बढी माला बिक्री हुने अनुमान गरिएको छ।

• 

पछिल्लो समय जापान, अमेरिका, अस्ट्रेलिया लगायतका देशहरूमा नेपाली फूल निर्यात हुँदै आएको छ। काठमाडौँ महानगरपालिकाले यस वर्ष स्वदेशी फूल प्रवर्द्धन गर्दै विदेशबाट आयातमा प्रतिबन्ध लगाउने निर्णय गरेको छ।