पहिरोले मेची क्षेत्रको सडक सञ्जाल ठप्प

इलाम : इलाममा लगातारको वर्षासँगै आएको पहिरोका कारण मेची राजमार्गसहित झापासँग जोड्ने दुवै वैकल्पिक सडक अवरुद्ध भएका छन्। सडक बन्द भएपछि इलाम, पाँचथर र ताप्लेजुङको यातायात पूर्ण रूपमा प्रभावित भएको छ।

राजदुवाली क्षेत्रमा सडक बगेको, जोगमाई र पुवाखोलाका डाइभर्सन बाढीले डुबाएको कारण सवारी सञ्चालन हुन सकेको छैन। सडक मर्मतको प्रयास भइरहे पनि निरन्तर वर्षाले काममा अवरोध पुगेको छ।

• 

यातायात बन्द हुँदा यात्रु, बिरामी तथा मालसामान ढुवानी प्रभावित भएको छ। स्थानीय व्यवसायीले इन्धन र खाद्यान्न अभावको जोखिम बढ्दै गएको भन्दै सडक सञ्चालनलाई प्राथमिकतामा राख्न सम्बन्धित निकायसँग आग्रह गरेका छन्।