स्थानीय चुनाव केन्द्रित एमालेको जनजागरण अभियान सुरु

काठमाडौँ, जेठ ३१ — नेपाल कम्युनिष्ट पार्टी (एमाले)ले आगामी स्थानीय तथा प्रदेशसभा निर्वाचनलाई लक्षित गर्दै देशव्यापी जनजागरण अभियान सुरु गरेको छ।

पार्टीले केन्द्रीय सदस्यहरूलाई जनतामाझ परिचालन गर्दै संगठन सुदृढीकरण र मतदाता आकर्षित गर्ने उद्देश्य राखेको जनाएको छ। अभियानअन्तर्गत जनतासँग प्रत्यक्ष संवाद, जनमत संकलन तथा स्थानीय तहमा सक्षम नेतृत्व विकासमा जोड दिइने बताइएको छ।

• 

• 

पार्टीका प्रचार तथा प्रकाशन विभाग प्रमुख निरज आचार्यका अनुसार अभियानले जनतासँगको सम्बन्ध थप मजबुत बनाउने र आगामी निर्वाचनमा पार्टीको प्रतिस्पर्धी क्षमता बढाउने लक्ष्य राखेको छ।