माई खोला हाइड्रोपावरको साधारणसभा आह्वान

काठमाण्डौँ । माई खोला हाइड्रोपावर लिमिटेडको पाँचौं वार्षिक साधारणसभा मंसिर २५ गते बस्ने भएको छ । मंसिर २ गते बसेको सञ्चालक समितिको बैठकले यही मंसिर २५ गते सभा बस्ने निर्णय गरेको हो ।

सभा काठमाडौंको शखंपार्कस्थित स्मार्ट दरबारमा बिहान ११ बजेदेखि शुरू हुनेछ।

लाभांश सम्बन्धी कुनै प्रस्ताव समावेश नगरेको यस कम्पनीको सभाले १ बराबर १ को अनुपातमा हकप्रद शेयर निष्कासन गर्ने प्रस्ताव बोर्डमा दर्ता भइसकेकाले सोलाई निरन्तरता दिने, प्रबन्धपत्र र नियमावलीमा संशोधन गर्ने र यसका लागि सञ्चालक समितिलाई अख्तियारी दिने र अन्य कम्पनीमा लगानी गर्ने सम्बन्धी विशेष प्रस्ताव पारित गर्नेछ ।

• 

• 

त्यसैगरी गत आर्थिक वर्षको वार्षिक प्रतिवेदन, लेखापरीक्षकको प्रतिवेदन, नाफा नोक्सान हिसाब र नगद प्रवाह लगायतका वित्तीय विवरणहरू उपर छलफल गरी त्यसलाई पारित गर्नुका साथै चालू आवका लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्ताव पनि सभाले पारित गर्नेछ।

साथै सञ्चालक समितिबाट भए गरेका निर्णय र काम कारवाहीहरू अनुमोदन गर्ने, सञ्चालक समितिका सदस्यहरूको बैठक भत्ता तथा सुविधा सम्बन्धमा, संस्थागत सुशासन सम्बन्धी प्रतिवेदन स्वीकृत गर्ने र आयोजना पुनर्निमाणका लागि ऋण थप गर्ने प्रस्ताव पनि सभाका लागि तय गरिएका छन् ।

साधारणसभा प्रयोजनार्थ कम्पनीले मंसिर ११ गते एक दिनका लागि बुक क्लोज गर्ने निर्णय गरेको छ।