संयम र जिम्मेवारीका साथ प्रस्तुत हुन आग्रह

काठमाडौँ — प्रधानमन्त्री निवास बालुवाटारमा शनिबार बसेको उच्चस्तरीय बैठकपछि गृहमन्त्री ओमप्रकाश अर्यालले देशको सुरक्षा अवस्था विचार गरी सबैलाई संयमित र जिम्मेवार रहन आग्रह गरेका छन्।

बैठकमा प्रधानमन्त्री सुशीला कार्की, गृहमन्त्री अर्याल, गृहसचिव रामेश्वर दंगाल तथा चारवटै सुरक्षा निकायका प्रमुखहरू सहभागी थिए।

• 

गृहमन्त्री अर्यालले सम्भावित प्रदर्शनहरूबारे सूचनाहरू प्राप्त भएको बताउँदै राजनीतिक मागहरू जिम्मेवार ढंगले राख्न सबै स्वतन्त्र भए पनि समस्या समाधानका लागि वार्ता र संवाद नै सर्वोत्तम उपाय भएको बताएका छन्।