ट्राफिक नियम उल्लंघनमा १९६ चालक कारबाहीमा

काठमाडौं उपत्यकामा ट्राफिक नियम उल्लंघन गर्ने १९६ जना चालक पछिल्लो २४ घण्टामा कारबाहीमा परेका छन्। ट्राफिक प्रहरीले विभिन्न स्थानमा गरेको जाँच तथा निगरानीका क्रममा उनीहरूलाई कारबाही गरिएको हो।

प्रहरीका अनुसार सबैभन्दा धेरै १७६ जना चालकलाई अन्य प्रकारका नियम उल्लंघनमा कारबाही गरिएको छ। त्यस्तै लेन क्रस गर्ने ६ जना, मादक पदार्थ सेवन गरी सवारी चलाउने ४ जना र एकतर्फी सडकमा नियमविपरीत सवारी चलाउने ३ जना कारबाहीमा परेका छन्।

• 

सिसिटिभी निगरानीबाट नियम उल्लंघन गरेको भेटिएका ९ जना तथा रातोबत्ती उल्लंघन गर्ने थप ९ जना चालकलाई पनि कारबाही गरिएको ट्राफिक प्रहरीले जनाएको छ।

शुक्रबार बिहानसम्म गरिएको यो कारबाहीले उपत्यकाका विभिन्न सडकमा ट्राफिक नियम पालना गराउन प्रहरीले जाँच तथा निगरानीलाई निरन्तरता दिएको देखाउँछ।