आज यू-१९ साफ महिला च्याम्पियनसीप फुटबलमा लिग चरणका दुई खेल हुँदै

काठमाण्डौँ । पोखरा अन्तर्रारष्ट्रिय फुटबल रंगशालामा सञ्चालन भइरहेको १९ वर्षमुनिको साफ महिला च्याम्पियनसीप फुटबल प्रतियोगिताअन्तर्गत सोमबार लिग चरणका दुई खेल हुँदै छन् ।

पहिलो खेल बंगलादेश र भारत बीच मध्यान्ह १२ बजे सञ्चालन हुनेछ भने दोस्रो खेल घरेलु टोली नेपालले अपराह्न ३ बजे भुटानसँग खेल्नेछ ।

नेपाल र भुटान दुवैले यसअघि आफ्नो पहिलो खेलमा पराजित भएका थिए । त्यसैले प्रतियोगिताको दोस्रो खेलमा नेपाल र भूटान दुवै टोली दबाबमा हुनेछन् ।

फाइनल सम्भावना जीवित राख्नका लागि दुवै टोलीलाई आजको खेल महत्त्वपूर्ण रहनेछ । बंगलादेश र भारतले भने एक÷एक खेल जितेर समान तीन अकं जोडेका छन् ।

प्रतियोगितामा यसपटक चार टोलीले मात्र सहभागिता जनाएका छन् । प्रतियोगिताको लिग चरणपछि शीर्ष दुई टोलीले माघ २४ मा हुने फाइनल खेलमा उपाधिका लागि प्रतिस्पर्धा गर्ने छन् ।

थप समाचारहरु

साफ च्याम्पियनसीप फुटबलमा आज नेपालले श्रीलंकाको सामना गर्ने यू-२० साफ महिला च्याम्पियनसिपमा आज नेपाल र श्रीलंकाबीच खेल हुँदै ’सी’ डिभिजन लिग फुटबलमा आज सानेपा र सामाजिक युवा क्लबबीच प्रतिस्पर्धा हुँदै नेपालका लागि बंगलादेशसँगको अन्तिम खेल ‘फाइनल’ सरह न्यु डायमण्ड र नेपाल पुलिस केएनपी राष्ट्रिय महिला भलिबल प्रतियोगिताको फाइनलमा प्रवेश झापा महिला गोल्डकपः उपाधिका लागि आज पुलिस र एपीएफ खेल्दै