सुनसरीमा कर्फ्यु अन्त्य, पाँच जनाभन्दा बढी भेला हुन रोक

काठमाडौं । जिल्ला प्रशासन कार्यालय सुनसरीले कर्फ्यु आदेश हटाउँदै जिल्लाका विभिन्न क्षेत्रमा निषेधाज्ञा लागू गरेको छ।

प्रशासनका अनुसार शनिबार बिहान ८:३० बजेदेखि कर्फ्यु हटाइएको हो। तर अर्को सूचना जारी नभएसम्म पाँच जनाभन्दा बढी व्यक्ति भेला हुन, जुलुस, सभा, प्रदर्शन तथा घेराउ गर्न प्रतिबन्ध लगाइएको छ।

• 

यो निषेधाज्ञा इटहरी, रामधुनी, इनरुवा, दुहबी, भोक्राहा नरसिंह, कोशी, गढी, देवानगञ्ज, हरिनगर र बर्जु गाउँपालिकासहित तोकिएका क्षेत्रमा लागू रहने जिल्ला प्रशासन कार्यालयले जनाएको छ। परिस्थितिको मूल्याङ्कन गर्दै आवश्यक निर्णय गरिने प्रशासनले उल्लेख गरेको छ।